ಮುದ್ದು ಬರೆದ ಮಳೆ ಸಾಲುಗಳ ನೆನಪು

ಯಾಕೋ ಆಗಸ ಬಿಕ್ಕುತಿದೆ

ಹುಣ್ಣಿಮೆ ಕಡಲೂ ಉಕ್ಕುತಿದೆ

ರೆಕ್ಕೆ ನೆನೆದ ಚಿತ್ತದ ಹಕ್ಕಿಯು

ಕನಸು ಕಾಳುಗಳ ಹೆಕ್ಕುತಿದೆ

-----****--------

ಗಾಳಿಯೂ ಆಡದ

ಬಿರುಮಳೆ ಧಾರೆಗೆ

ಕಲ್ಲೂ ಕರಗಿದೆ

ಮಾತೂ ಆಡದ ಪ್ರೀತಿಗೆ

ಮುನಿಸು ಎಲ್ಲೋ ಕರಗಿದೆ

----*****------

ತೊಟ ತೊಟ ತೊಟ್ಟಿಕ್ಕುತ ಡೈರಿಯ

ಪುಟ ಪುಟ ಒದ್ದೆಯಾಗಿಸಿ

ಬರೆದದ್ದ ಅಳಿಸಿ

ಬೀಗಿದವು ಮಳೆಹನಿಗಳು

ಹನಿಗಳ ಸ್ಪರ್ಶಕೆ ನೆಂದ

ಹಳೆ ನೆನಪ ಬೀಜಗಳು

ಚಿಗುರಿದವು!

----*****------

ಹೇಳು ಮಳೆಯೇ

ಸುರಿದು

ಷೋಡಶಿಯೊಬ್ಬಳ

ನೆನೆಸದಿದ್ದರೆ

ನೀ ಸುರಿದೇನು ಫಲ?

-----*****------

ಹಸಿರುಟ್ಟ ಪುಟ್ಟಬಿತ್ತಕ್ಕೆ

ಮಳೆಹನಿ ಸೇಕ

ಅಲ್ಲಯವರೆಗೂ ಶೋಕ

ನಂತರ ಮರಗಳೆಲ್ಲ ಅಶೋಕ